У Бабруйску створаная ініцыятыўная група супраць расейскай базы (фота)
У Бабруйску актывіст аргкамітэту па стварэнні партыі “Беларуская Хрысціянская Дэмакратыя” Сяргей Гайшун стварыў ініцыятыўную групу па правядзенні кампаніі супраць размяшчэння ў горадзе расейскай вайсковай базы.
Увечары 25 лістапада збор подпісаў супраць базы прайшоў у гандлёвых цэнтрах і крамах, дзе па сканчэнні працоўнага дня было шмат людзей. 26 лістапада збор праходзіць на вуліцах Першамайскага раёна Бабруйска.
Сяргей Гайшун таксама правёў навучанне валанцёраў, якія дапамагаюць яму ў правядзенні кампаніі.
