Куды знікае бюджэт Віцебска, ці каму спатрэбіліся 200 мільёнаў?

05 красавіка 2016 12:13  |  Блог Таццяны Севярынец

Віцебскі гарвыканкам абвясціў тэндар на замену дзвярэй кабінетаў на 4-м паверсе гарвыканкаму. Тэндар абвясцілі недзе ў сакавіку, а яшчэ ад 9 снежня 2015 года старшыня гарвыканкаму Мікалайкін В.П. распарадзіўся (№9948) прыняць да выканання дачэрняму прадпрыемству “Упраўленне капітальнага будаўніцтва г. Віцебска” функцыі замоўцы па праектаванні і будаўніцтве аб’екту “Бягучы рамонт памяшканняў 4-га паверху будынку Віцебскага гарвыканкаму па адрасе: Віцебск, в. Замкавая, 4”.

Стварылася адпаведная камісія для вывучэння стану дзвярэй, складання акту (2 з нечым мільёны) ды вызначэння кошту працы. Акт падпісала намеснік дырэктара “УКСу” Хахлова Т.А. Дарэчы, з 3-х чальцоў той камісіі подпіс толькі сп. Хахловай Т.А. Даты абследвання няма. Спатрэбілася 200 мільёнаў рублёў на замену тых дзвярэй.

Мы паглядзелі на тыя дзверы 4-га паверху па адрасе вул Замкавая, 4. А таксама і па адрасе вул. Леніна, 32—гэта ўсё Віцебскі гарвыканкам, так размеркаваныя кабінеты чынавенства ў адпаведнасці ад вагі. Больш важныя – па Леніна, 32, менш – па Замкавай,4. Суадносна па Леніна – еўрарамонт, такія крыху гарэзлівыя дзверы, па Замкавай – больш сціплыя, яшчэ моцныя і такія, бюракратычныя. Адчыняцца ім яшчэ і зачыняцца б шмат гадоў, тым больш у часы страшэннага дэфіцыту бюджэту. А хочацца ж, муляе!

На кожны запыт па невыкананых гарвыканкамам абяцаннях пабудаваць, адрамантаваць, стварыць, зрабіць – адказ толькі адзін: Грошаў няма!

Па неафіцыйных дадзеных, на дабудову (з 2010 году!!!) паліклінікі ў м-не “Поўдзень-7” выдаткоўваюць 300 мільёнаў… А паліклініка была ў планах горада на 2015-ы год, перанеслі на 2016-ы…

Адгадайце, што адбудзецца хутчэй: замена дзвярэй на 4-м паверсе гарвыканкаму альбо дабудуецца паліклініка на Поўдні-7, альбо дзіцячы садок ў Білева-2, альбо школа ў тым жа Білева, альбо паліклінічны комплекс там жа, альбо скончыцца рамонт гінекалогіі бальніцы №1 па в. Хмяльніцкага, альбо…? Альбо дзверы мяняць ніхто і не думае, а 200 мільёнаў, ну, мала каму яны патрэбныя?

Куды знікае бюджэт Віцебска, ці каму спатрэбіліся 200 мільёнаў?
Куды знікае бюджэт Віцебска, ці каму спатрэбіліся 200 мільёнаў?
Куды знікае бюджэт Віцебска, ці каму спатрэбіліся 200 мільёнаў?
Куды знікае бюджэт Віцебска, ці каму спатрэбіліся 200 мільёнаў?

Болей навін