Запрашаем журналістаў
13 кастрычніка кіраўніцтва Беларускай хрысціянскай дэмакратыі падасць у Менгарвыканкам заяву на правядзенне пікету па праблеме дзедаўшчыны ў беларускім войску і смерці вайскоўцаў у вайсковай частцы ў Пячах пад Барысавам.
Таксама а 14:30 прадстаўнікі кіраўніцтва БХД накіруюцца ў Міністэрства абароны Беларусі з заявай пра неабходнасць аб’ектыўнага расследвання смерці вайскоўца Аляксандра Коржыча і іншых падобных смерцяў, а таксама пра тэрміновае прыцягненне да адказнасці ўсіх вінаватых, уключаючы кіраўніцтва вайсковай часткі і міністэрства.
Запрашаем журналістаў: 13 кастрычніка, 14:30, Менск, вуліца Камуністычная 1.
