У вёсках Станкевіча, Лісоўскага, Гадлеўскага прайшлі сустрэчы да 100-годдзя БХД
У Арлянятах, Карандах, Жодзішках, дзе нарадзіліся ці працавалі лідары гістарычнай БХД Адам Станкевіч, Адам Лісоўскі і Вінцэнт Гадлеўскі, а таксама Гальшанах, на радзіме Язэпа Германовіча, прайшлі сустрэчы ды прэзентацыі да 100-годдзя БХД.
Менск у дэлегацыі прадстаўлялі сустаршыня БХД Павел Севярынец, рэжысёр Аляксей Туровіч ды бізнэсовец Алесь Мазанік. У Арлянятах з 9 жыхароў, якія засталіся ў вёсцы, у сустрэчы ўзялі ўдзел сямёра. У Карандах, на радзіме ксяндза Адама Лісоўскага, у прэзентацыі ўдзельнічалі ўнучаты пляменнік ксяндза Станіслаў Лісоўскі і пляменнік Адама Дасюкевіча Валянцін Дасюкевіч.
У Жодзішках на тутэйшай аграсядзібе згадвалі ксяндза Гадлеўскага. Апрача прэзентацыі кнігаў, колькі спеваў сыграў бард Алег Мізула.
